21. põimukuu pääväl peeti hulga rahvamuusikidõga pillilaagrist Mõnistõ rahvamajan maaha edimäne suur tandsuklubi: opiti rahvalikkõ tandsõ, miä kõlbasõ tandsi egäle inemisele.
Elävä muusikaga tandsuklubi tulõ kooni jaanipääväni Mõnistõn egä kuu üte kõrra. Inne tandsmist saa egä kõrd kullõlda mõnõ targa inemise juttu, teemä tulõva päämädselt perimüsest, kultuurist, aoluust vai reismisest. Projekti võtva iist uma nukaga köüdedü noorõ: Giannakaina Dimitra, Raju Eliisabet, Saarõ Hipp ja Rattasepa Tormi. Pillimehe tulõva mängmä Euruupa Solidaarsuskorpusõ raha tugõmisõl.
Järgmäne kõrd saa tandsma tulla 18. süküskuu pääväl, ku tandsu oppas folklooriklubi Maatasa. Pilet 5 eurot.
UL
