Minevä nädälivaihtus oll’ Võro liin rahvast täüs – peeti Võro latsifestivali vai, nigu kõrraldaja ütlese, anti võim latsi kätte.
Keskliinan olli vallalõ tettü põnõvidõ mänge huuv, tiatrihuuv, fantaasiahuuv, väiku eläjäaid, laat, filmimaja, seigelüspark, tehnigapark ja löüdse viil hulga muud tegemist. Nummõrdõn võtva kõrraldaja timahavadsõ festivali kokko niimuudu: toimõndi päält 100 maskoti, oll’ 15 teemaparki, 300 ülesastjat ja 10 000 ossavõtjat.
Säänest latsifestivali peetäs Võro liinan joba 2017. aastagast ja taaga tahetas näüdädä, et Võro liin om latsisõbranõ liin.
UL
Timahavanõ Võro latsifestival. Rahmani Jani pilt
