Puhkus poliitikast
Ma kuuli raadiost, et Võromaal sai volikogodõhe naisi kolm kõrda veidemb ku miihi. Kuiki naisi valiminõ om kasulinõ, naasõ omma kõrdo targõmba ja as’alikumba ku mehe. Roodsimaal tett uurminõ näütäs, et ku naisi valitas inämb, sõs jääse vällä väikumba haridusõga ja veidemb ettevõtligu mehe. Tuu om kõikilõ kasulinõ.
A Võromaal tahetas iks viil miihi valli. Ka naasõ valisõ innembä miihi. Kas tuu om naisi hõelus ja kadõhus? Vai usutas inämb väikumba haridusõ, a kõvõmba helüga miihi? Õnnõs saa valimiisist nüüd puultõist aastat puhkust, riigikogo valimisõ omma ületulõva keväjä. Tulõva suvi valitas külh presidenti, a tuud saa ei mi esi tetä. Valimi sõs järgmäne kõrd naisi, a nika saami poliitikast puhada.
Muda Mari
