Horoskoobi tulõvas hobõsõaastagas om seokõrd kokko säädnü tähetundja Mutõlbergi Aino.
Oinas 21.03.–20.04.
Hobõsõaasta and tulõ ja sepä märgiga Oinalõ väega hulga edesiminegi jõudu. Sa tunnõt, et jalgu all om tuli ja süämen tuul. Vahtsit alostuisi tulõ inämb ku ilmangi inne. Vahepääl võit perrämõtlõmada ülearvo rutada. Ku opit huugu jagama, lätt kõik parõmbalõ. Aasta lõpus tunnõt, et olõt tõtõstõ midägi suurt är tennü.
Pull 21.04.–20.05.
Maa ja kivi väega Pullilõ om hobõsõaasta rahulda, a põnnõv. Harinu takt lüvväs vahepääl segi. Sa opit mitte pelgämä muutuisi, a noist kassu saama. Raha ja kodoga köüdetüt tulõ targastõ hoita. Üts uutmalda pakminõ vai trehvämine rõõmustas süänd. Aasta lõpus om tunnõ, et olõt tugõvamb ku ilmangi varrampa.
Katsiku 21.05.–21.06.
Tuulõ ja sõna kandjal Katsikul om hobõsõaasta lobisõmisõ ja liikmisõ aig. Vahtsit tutvit tulõ nigu vihma. Mõtõ lindas kipõmbalõ ku jala perrä jõudva. Vaia olnu mõni asi är kah lõpõta, mitte õnnõ vahtsit asjo alosta. Sõbra avitasõ su õigõ raa pääle. Naar ja nali kaitsva sinno terve aastak.
Vähk 22.06.–22.07.
Vii ja kodoga köüdetüle Vähäle tuu hobõsõaasta sõitu tundõmaastigõ pääl. Süämeas’a läävä süvembäs ja tõsitsõmbas. Kodonõ rahulinõ olõminõ om su jaos väega tähtsä. Vahepääl või pääle tulla tunnõ, et maailm liigus ülearvo kipõstõ. Ku julgut ummi tundmiisi vällä näüdädä, lätt kõik kerembäs. Aasta lõpun om süämen rahu ja hindä seen lämmi tunnõ.
Lõvi 23.07.–22.08.
Päävä ja tulõ sõbra Lõvi jaos tähendäs hobõsõaasta püüne pääl valgusõ käen olõmist. Sa saat näüdädä, miä su seen periselt om. Inemise kullõsõ ja kaesõ sinno imehtüsega. Kae ette, et uhkõs ei lää. Jaet rõõm tulõ katõkõrdsõn tagasi. Aasta jätt sinno pall’odõlõ miilde.
Neitsü 23.08.–22.09.
Ravitsõjal ja targal Neitsül om hobõsõaasta kõrra ja kõrralda olõgi vahepääl. Kõik ei lää plaani perrä, a tuust saa õnnõ oppi. Opit uskma elo vooluperrä minekit kah. Tüü ja tervüs piät targastõ tasakaalun olõma. Üts väiku muutus tuu suurõ kergendüse. Aasta lõpus jõud kätte targõmb ja rahuligumb hindätundminõ.
Kaalu 23.09.–23.10.
Õigusõ iist saisjal Kaalul om hobõsõaasta valikit täüs. Egä tiiots nõud ausat otsustamist. Su õigusõtunnõ juhatas sinno häste. Läbikäümine om tähtsämb ku ilmangi varrampa. Üts läbisaaminõ lätt kas süvembäs vai jääs katski, a mõlõmba variandsi omma hää. Tasakaalu lövvät sis, ku julgut süänd kullõlda.
Skorpion 24.10.–22.11.
Edevanõmbidõ vaimuga köüdetül Skorpionil om hobõsõaasta muutuisi ja väe aig. Vana nahk aetas säläst maaha. Sa tunnõt sisemäst tuld ja sügävät jõudu. Mõni salahus tulõ vällä ja tege meele puhtas. Peläku-i lõppu – tuu vii vahtsõ alostusõni. Aasta tege sinno vahtsõs inemises.
Vibumiis 23.11.–21.12.
Jahimehest Vibumehel om hobõsõaasta rändämise vaimu täüs. Sa tahat minnä, nätä ja tunda saia. Vahtsit mõttit ja uskmiisi jääs tii pääle ette. Vahepääl võit unõhta mõnõ kohustusõ. Ku hoiat tasakaalu vabahusõ ja vastutusõ vaihõl, lätt häste. Aastan om hulga säänest, miä pikäs aos miilde jääs.
Kivikits 22.12.–20.01.
Korgidõ mäki ja tõõkuulutamisõga köüdetül Kivikitsõl om hobõsõaasta vindsõ ja tüüd täüs. Tsiht om selge, a tii tsihini om pikk. Sa laot sammuviisi vundamenti, a är unõhtagu tuu man puhada ja hõngu haarda. Üts tunnustus tulõ uutmalda. Aasta lõpus om süämen suur uhkus umast tüüst.
Viikaldaja 21.01.–19.02.
Lätte sugulasõl Viikaldajal om hobõsõaasta täüs vahtsit mõttit. Sa näet maailma tsipa tõõsõ nuka alt. Inemise otsva su seltsi ja nõvvu. Vahepääl tulõ pääle tunnõ, et kiäki saa-i sust arvo. Är alla andku – su aig tulõ. Aasta lõpus näet, et olõt tiinäütäjä.
Kala 20.02.–20.03.
Unitsõl lauljal Kalal om hobõsõaasta unistuisi ja sisemäidsi rändämiisi aig. Kõtutunnõ juhatas sinno häste. Muusiga üten sõnnoga tulõva õkva süämest. Vahepääl olnu hää ka jalguga maad pututa. Üts kinä läbisaaminõ and hulga jõudu. Aasta lõpus tunnõt hinnäst tervemb ja tävvelidsemb ollõv.
Reimanni Hildegardi tsehkendüse
