Ameeriga indiaanlaisi hulgan mülläs koroonaviirus esieränis suurõ huuga. Arvatas, et näid om koolnu topõld võrrõldõn valgõt nahavärvi inemiisiga. Koolnu om hulga hõimuvanõmbit, kiä omma olnu kiili-kombidõ paigapäälse hoitja. Näide kaomisõga kaosõ ka tähtsä kontakti uma aoluuga, jääs katski ummi kiili ja kombidõ edesiandminõ noorõmbilõ põlvilõ.
Hõimurahva ja vabatahtligu pruuvva nüüt esierälidselt kaitsa ummi vanõmbit inemiisi, kinkast olõnõs näide hõimu kultuuri ellojäämine. Noorõmba omma pandnu vanõmbit inemiisi ja häid keelekõnõlõjit vaktsiini järjekõrda. Samal aol ei päse vanõmba inemise kavvõst liikma sinnä kotussõhe, kon vaktsineeritäs. Suurõmb hädä om ka tuu, et vanõmba inemise ei usalda võimõ, kiä tei näide rahva pääl meditsiiniliidsi katsit, sundsõ näide latsi internaatkuuli ja kiildse umma kiilt kõnõlda.
Välämaa veebilehti lugi Fastrõ Mariko.
