Eesti filmi instituut kõrraldas üte minodi filmi ideekonkursi, mink teema om «Kiil ja keskkund». Konkursi tähtaig om 1. urbõkuu, mõttidõ hulgast vällä validu filmi piät valmis saama 1. hainakuus 2021.
Filmiidee piät mahtuma üte leheküle pääle. Sääl piät olõma kirän filmi sisu, valit filmiliik ja muu tarviline teedüs. Üts inemine või kõgõ inämb kolm filmimõtõt vällä kävvü. Filmimõttõ autor piät olõma varrampa filme tennü ja tuu piät olõma är märgitü Eesti filme andmõbaasin.
Oodõtas kõiki filmiliike. Ainumadsõ raami om üte minodi piir ja professionaalnõ tegemine, et filmi saanu näüdädä nii kinon, telekan ku internetin. Filmimõttidõ hindamisõ man peetäs tähtsäs tuud, et naid olnu võimalik tarvita haridussüstemin.
Ligembät teedüst saa kodolehe filmi.ee päält.
UL
