Võro instituut kuulutas vällä timahavadsõ Juhan Jaigi nimelidse jutukõnõlamisõ võistlusõ. Videotöie esitämise tähtaig om 10. lehekuu 2021. Võrokiilsit juttõ oodõtas kõnõlama latsi latsiaiaiäst nikagu gümnasisteni.

Miä avitasi meid parhillatsõl rassõl aol? Võromaa üte suurõmba kirämehe Jaigi Juhani luud kaarnakivi avitanu kimmäle. «Seo oll’ sõrmkübärä pikukõnõ kivikõnõ, aga õigõ sille ja pruumikadsinõ. Säändsit kivvõ om egän ruusahavvan külh ja külh,» seletäs Jaik uman jutun «Kaarnakivi II».

Jutu või lats video pääle kõnõlda ütsindä, a või ka üten sõbra, oppaja, juhendaja vai (vana)vanõmbaga. Ku armsahe säändse ütistüü võiva õnnistuda, om nätä Youtube’in Sänna Trubaduuri nimelidse kanali päält.

Jutukõnõlamisõ pikkus olku kõgõ inämb 5 minotit. Esitä või ütskõik määndse autori võrokiilse jutu, ette või kanda ka hindä luudut. Jutt pidänü kõnõlamisõs olõma iks päähä opit, mitte maaha loet. Tüü võistlusõlõ esitämisega and tegijä üteliidsi Võro instituudilõ lua jutukõnõlamisvideot avaligult (internetin) levitä.

Võro instituut kitt ja tennäs Eesti Kultuurkapitali abiga inne suurt suvvõ kõiki jutukõnõlõjit ni näide juhendajit.

Teedüst jutukõnõlõmisõ võistlusõ kotsilõ saa Allasõ Tiia käest meili kaarnaveski@gmail.com päält vai tel 5691 6281.

UL

Kunstnik Kirsipuu Tiiu tett Kaarnakivi monument Rõugõn. Allasõ Tiia pilt