Neländä kleidi osti ma esi uma edimädse palga iist. Käve sis koolin ja nädälivaihtuisil olli haiglan sanitar. Poolõ kotusõga tüütämise iist anti 30 ruublit, mis oll’ tuul aol peris suur raha.
Osti hindäle ilosa kõlladsõ krimpleenkleidi ja kõlladsõ kängä. Muidoki komisjonipoodist. Olli uma ostu üle väega uhkõ, et lõpus sai ka midägi parõmbat sälgä. Ei tiiä, mille mullõ õkvalt kõllanõ värv miildü, vai es olõ muid miildüvit ja odavit komplekte müügil.
Ku tulli Tartohe kuuli, oll’ mul pään villanõ rätt, sälän kulunu palit, jalan retuusi ja botiku.
Kaiõ, et liinan kävevä tütrigu bareti, viigipükse ja kängiga. Ja iks vahtsidõ asjuga.
Urmi Aili
