Jaanipuulpäävä (23.06) tetti Räpinä kihlkunnan Pääsnä küläplatsi pääl vallalõ kivi mälehtüstahvliga, kohe omma pääle kirotõdu kõik priinime, mis Pääsnä külä inemisile 1822–1824 vannu lisanimmi põhjal panti.
Kivi vallategemise man kõnõli Räpinä keriguopõtaja Nagla Urmas, tahvli tegemise takasttõukaja Küüdse Lembit (Küüts), nimeuurja Saarõ Evar ja uma külä iistvidäjä Trumsi Marge. Õdak läts’ edesi külä jaanitulõga, kon mänge ka lõõtspill ja kiiga (viiul).
UL
Pääsnä külä iistvidäjä Trumsi Marge. Fastrõ Mariko pilt
