Parksepä koolimaja man tetti minevä puulpäävä pidolidsõlt vallalõ Noormetsa Helgi nimeline pink.
Tahvli pääl om kirän, et pink om tulihingelidsele oppajalõ, aokiränikulõ, muusikulõ, rahvatandsurühmi juhendajalõ ja kogokunnaelo edendäjäle. Noormetsa Helgi om ka pikäaolinõ Võro vallavolikogo liigõ, Võro valla avvukodanik ja Võro maakunna vapimärgi umanik.
Pingi pidolidsõl vallategemisel mängse puhkpill, peeti kõnnit, tetti pilti, kullõldi kontsõrti, peeti piknikku ja sooviti nimelidse pingi umanigulõ õnnõ.
UL
