Vana-Võromaa kultuurikuan om vallalõ tett näütüs «Valgõvinne protest saina pääl». Tego om joba tõõsõ näütüsega, miä pühendet Valgõvinne protestilõ. Seokõrd näüdätäs uulidsakunstnigu @street_wind_ kunsti, miä om luudu liinaruumi ja kand terävät poliitilist sõnomit.
Kunstnigu @street_wind_ kodoliin om Brest. Tä om loonu grafitiid rahvusmotiivel ja luudusnättüisist, pääle tuu ka ütiskunna probleemest. Kunstnik tarvitas ummi pilte jaos maahajäetüisi majju sainu. Tä kand saina pääle nii värvi ku ka papõrd – niimuudu saa sainamaal tettü kipõmbalõ ja kunstnik esi jõud kipõstõ mant paeda, selle et poliitilidsõ sõnomiga pildi iist võidas säälmaal vangimajja panda.
Ütski tüü, midä Võro näütüsel nätä saa, ei olõ periselt saina pääl alalõ. Poliitiliidsi grafitidõ eloigä om Valgõvinnemaal ütest tunnist mõnõ nädälini. Tuuperäst om kunstnigu @street_wind_ looming esieräline.
Näütüs om Vana-Võromaa kultuurikua aknidõ pääl üllen kooni 26. süküskuu pääväni.
UL
