Puulpäävä, 9. rehekuu pääväl kell 10–15 tulõ Võro liinan keriguplatsi pääl Uma Meki suurlaat.
Varramba om uma ja hää kraami laata peetü kuu aigu ildampa Võro spordikeskusõn, no seokõrd tulõ laat välän tetä ja kuu ao peräst om ilm tuus joba pall’o külm.
Laadakõrraldaja anni teedä, et seokõrd tulõ laada pääle kodomaidsõ kraamiga kauplõjit viil inämb ku varramba ja mahhe söögi jaos tetäs uma kimmäs nukk.
Õkva päält laata, 11.–17. rehekuu pääväl peetäs Uma Meki kohvikidõ ja restoraanõ nädälit. Säitsmen Vana-Võromaa ja üten Setomaa söögikotussõn saa mekki kolmõ käügiga süüki, miä om tett pääas’aligult paigapäälitsest kraamist.
Mõlõmba ettevõtmisõ kotsilõ saa täpsembät teedüst kodolehe www.umamekk.ee päält.
UL
