Seo riidi tetäs Tal΄nan Kumu kunstimuusõumin vallalõ näütüs «Talomuro ilmaruum. Lõunõ-Eesti luuja», kon kaias lähembält kunstnigõ ja paigavaimu vaihõkõrda ja tuud, kuis Lõunõ-Eesti om mõotanu Eesti kunstimaastikku.
«Lõunõ-Eestist omma peri pall’o Eesti kunstielo alostusõao modernistligu võtmõautori, kink looming om mõotanu mi kujotuspilte ja arvosaamist lõunõeestilisüsest,» seletäs näütüse kuraatri Pählapuu Liis.
Välläpantu pildi omma peri 19. aastasaa lõpust kooni II ilmasõa lõpuni. Kaia saa pia viiekümne kunstnigu töid. Näütüse mano käü ka helügiid, seokõrd saa pilte tutvustust kullõlda päält eesti ja inglüse keele ka võro keelen. Näütüs jääs vallalõ nika ku 2022. aasta 10. mahlakuu pääväni.
Rahmani Jan
Tõisi hulgan om näütüsele vällä pant Vahtra Jaani õlimaal Räpinä leerimajast. Pilt Kunila Ennu kunstikogost
