Üte pääpreemiäst põhikooliastmõn sai Parksepä keskkooli opilanõ Lupi Marie Martine, kink tüü oll’ Eesti tsirkõ maalmisõst vesivärvega. Parksepä keskkooli opilanõ Niido Karolin sai 3. preemiä tüü iist, kon uuritas kanapidämisega alostamist. Kolm eriavvohinda sai Kääpä kooli opilanõ Raju Eliisabet, kiä uursõ maanaasõ ello Eesti aoluu tõmbõtuulõn uma vanavanaimä elo näütel. Kats eripreemiät sai Võro gümnaasiumi opilanõ Villa Kerttu, kiä uursõ, määndsit eri muudu mineraalvessi Võro poodõn müvväs.
Avvohinnatuist töiest kõgõ inämb Võromaa kultuuri pututava tüü kirotaja Raju Eliisabet seletäs: «Mu uurmistüü «Maanaine Eesti ajaloo tõmbetuultes – minu vanavanaema Aali Elfrosiine Pangi (Peltseri) elu näitel» kõnõlas tuust, kuis egäsugudsõ murrangu Eesti aoluun mõotiva üte maanaasõ ellu Hargla kihlkunnan. Lugu om poimit vannu Võrumaa kombidõga nigu võru kiil ja ristipuu, miä olli tähtsä osa mamma elust.»
UL
