Timahava nakkas pääle riikevaihõlinõ põlitsidõ kiili aastakümme, miä kuulutõdi vällä 2019. aastagal New Yorgin ÜRO pääassambleel. Aastakümmet tähistäs ka Eesti, Tal’nan tetäs tuu pidolidsõlt vallalõ 6. lehekuul kell 14.
Vallategemisel kõnõldas laembalt põlitsidõ kiili aastakümne alostusõst Eestin, põlitsidõ kiiliga köüdetüist hätist ja härgütedäs haridus- ja kultuuriorganisatsioonõ teemaga tegelemä. Huvilidsõ saava kaia vallategemise õkvaülekannõt kodolehe fennougria.ee päält, säält saa üritüst ka ildampa perrä kaia.
UL
