Trüküst om tulnu Kauksi Ülle raamat «Hitivabrik», kon om viis lühküt näütemängu.
Näütemäng «Hitivabrik» om autori kumardus latsõiä lemmikkoomiksilõ Piilupart Donaldist. Näütemängun «Kolm hinnapakmist» kaias vanna muinasjuttu täämbädse ao projektijuhi silmiga. Näütemäng «Trummiotsja» om tett tšuktši muinasjuttõ perrä ja sääl otsitas muistitsidõ kultuurõ ja näide kaotamisõ ja üleslöüdmise tarkuisi.
Raamadu kats perämäst näütemängu, «Põhitüü» ja «Nigu nõidus», kõnõlõsõ Obinitsa kandi aoluust. Kõiki naid näütemänge omma Obinitsa kandi tiatritegijä mängnü, kõgõ värskemb tükk «Nigu nõidus» om seo suvi Obinitsa Uue Teatri mängukavan.
UL
Kauksi Ülle. Allasõ Tiia pilt
