Timahava om maarahval jäl põhjust Vahtsõliina kokko tulla: seo puulpäävä, 18. piimäkuul lätt sääl vallalõ kõrralinõ katõpääväne suurlaat. Kats suvvõ om maarahva laat är jäänü, seo aasta peetäs laata 26. kõrda.
Kõrraldaja uutva laadalõ päält 400 kauplõja. Laadal on jõvvulinõ aoviidüse-programm: valitas Eesti rammumiist ja rammunaist, tulõ köüdsevidämine üle Piusa jõõ. Laadalava pääle jakkus tandsu ja laulu. Latsi jaos om suurõ laada seen uma laat üten võistluisi, tüütarri ja etteastjidõga.
Timahavadsõ laada kavva saa kaia internetist aadrõssi maarahvalaat.ee päält.
UL
Vahtsõliina laat om aastit alõvi rahvast täüs toonu. Pääle katõaastast pausi saava huvilidsõ jäl laadamöllüst ossa. Rahmani Jani pilt
