Hainakuul saava latsõ Mõnistõ ja Karilatsi muusõumin inämb teedä uma kodokandi keele ja kultuuri kotsilõ.
Mõnistõ talorahvamuusõummi omma 4.–6. hainakuul oodõdu latsõ, kiä tahtva mõista võro kiilt. Kiäki ei ooda, et latsõ joba võro kiilt kõnõlnu, seo om innekõkkõ keelega tutvas saamisõ aig ja kotus. Iin saisva välläsõidu, meisterdämistunni, mängo ja tulõõdak üten üllätüskülälisega. Üümaja and Mõnistõ rahvamaja.
26.–28. hainakuul saa laagrisuvi jaku Karilatsi vabaõhumuusõumin, kon sammamuudu kõnõldas võro keelen. Tuud iks põnõvidõ ettevõtmiisi seen. Kavan omma nii liikmise ku ka luumisõga köüdedü tegemise, tulõõdagu. Muidoki saava laagrilidsõ mõlõmban muusõumin ümbre kaia.
Kiä laagri vasta huvvi tund, tuul mass teedüst mano otsi muusõummõ kodolehe päält.
UL
