Rehekuu võro keele iistkõnõlõja korjas vahtsõ raamadu jaos juttõ

Iistkõnõlõja Kaha Kaido.

Põlva kandi miis Kaha Kaido, kiä pidä seo kuu võro keele iistkõnõlõja ammõtit, pandsõ keväjä kokko raamadu «Ütekõrra om katõkõrra». Sääl omma päämidselt Põlva kandi miihi käest üles kor’adu nal’ajutu tuu kotsilõ, mis om umal aol kolhoosin vai tüükua man juhtunu.

Päält raamadu vällätulõmist om Kaha Kaido mano tulnu hulga tutvit ja sõpru ummi nal’ajuttõga. Tuust tekkü mõtõ, et ku juttõ om nii hulga, sis võinu naada naid korjama vahtsõ raamadu jaos. «Väega ooda kolhoosi-sovhoosi, KEKi-MEKi, egäsugumaidsi kombinaatõ, autobaasõ ja asutuisi nal’alugusit,» seletäs Kaha Kaido.

Kõik, kiä tahtva ummi juttõ kõnõlda vai kirota, võiva Kaidol poodi man, pidol vai uulidsa pääl nöpsist kinni võtta. A kiä tedä muido nägemä ei trehvä, võiva tälle kõlista telefoni 508 8330 pääle.

Rehekuu võro keele iistkõnõlõja korjas vahtsõ raamadu jaos juttõ

Nummõr 524

Uudissõ

Juhtkiri

Märgotus

Jutuvõistlus

Elo

Perämine külg