Puulpäävä, 15. rehekuul peeti vana Postitii veeren Kostitii päivä.
Ihamarun vana meieri man, kon om parhillatsõl aol küläkeskus, peeti laata, kon uma kraamiga kaupli päämidselt Vana-Võromaa söögi- ja käsitüümeistre. Päält rahvaligu kauplõmisõ valiti vällä parõmbat söögikraami. Et keväjä omma iin valimisõ, olli ka mitmõ poliitiku hinnäst laadaplatsi pääle rahvalõ näütämises vällä säädnü.
Pildi pääl kurrakätt kauplõs uma puukäsitüüga Misso kandi meistre Sibula Ärni.
UL
Rahmani Elo pilt
