Eesti rahvakultuuri keskus kõrraldas jutukõnõlõjilõ kokkosaamisõ. Tsihis om tuvva kokko jutukõnõlõja kõigist maakundõst, anda näile võimalus ütstõsõga tutvas saia ja tarkuisi vaihta ja tetä ka kõrralik helükoolitus.
Jutukõnõlõjit oodõtas 5. märdikuu pääväl kellä 10–16 Tartulõ Tähtvere avatud naistõkeskustõ (Näituse 3).
Päävä alostusõn ast üles folklorist Metsvahi Merili, kiä kõnõlõs jutukõnõlõmisõ tähtsüsest ja tähendüsest täämbädsel aol. Pääle arotust tulõ helü- ja kõnnõtehniga koolitus, midä vidä Türnpu Anne.
Koolituspäiv om massulda ja tuust võiva ossa võtta ka nuu jutukõnõlõja, kiä viil ei olõ võrgustigun. Kirja saa hinnäst panda kooni 26. rehekuu pääväni.
Ligembät teedüst and rahvakultuuri keskusõ spetsiälist Käbini Helena, kink meiliaadrõs om helena.kabin@rahvakultuur.ee.
UL
