Timahavanõ edimäne võrokeelitside nuuri kokkosaaminõ tulõ 1. mahlakuul kell 12 Tsooru potitehassõ man.
«Kokkosaamisõlõ ooda koolinuuri ja tudõngiid, kiä mõistva võro kiilt vai tahas taad selges saia. Tahas säändsid nuuri rohkõmb kokko tuvva ja pakku kotust umavaihõl võro kiilt kõnõlda,» seletäs kõrraldaja Saarõ Hipp.
Kokkosaamisõl om plaanin huvikäük Tsooru potitehassõn, kon vabrigu esindäjä Puksingu Marko kõnõlõs pottõ tegemisest ja ka ummist tõisist ettevõtmiisist. Päält huvikäügi om plaanin viil umavaihõl juttu kõnõlda ja rohkõmb tutvas saia. «Mu meelest om tähtsä, et päält keele pruukmisõ nägevä noorõ, midä viil om võimalik Võromaal tetä, ku tahat tan ellä ja ummi asju aia, » löüd Saarõ Hipp.
Huvilidsõ noorõ saava kõrraldajalõ kirota: hipp.saar@gmail.com.
UL
