Mähkli külä hällümäe pääl om perämäidsil aastil tralliga munapühhi peetü. Egä kõrd valitas vällä kõgõ kinämbäs võõbatu muna. Timahava pand’ «Miss Muna» pääavvohinna vällä paiklik kunstnik Navitroll’a (pääavvohind om pildi pääl nätä).
Viil saa trallipääväl imehtellä ümbrekunna kõgõ kinämbit kannu. Esieränis noorõmba rahva siän tekütäs herevüst munaveeretämisvõistlus vai munaralli, kon puust renni abiga pandas muna mäest alla viirdümä. Võit kõgõ kavvõmbalõ viirdünü muna. Pääle tuu koksitas ja süvväs hulga munnõ, hällütäs ja mekitäs ekä vurhvi kohopiimäsüüke. Pidoga käävä üten ka laul, tands ja pillimäng. Niimuudu ütenkuun rõõmu tundõn tähüstedäs Karula kandin keväjäpühhi ja luudusõ vahtsõstsündümist.
Hainsoo Meelika
Laanõ Triinu pilt
