Toimõndustõ tull’ lehelugõja murrõga, et Parksepä koolimaja vastan üle tii om kurõpessä kandva post väega viltu vaonu ja tä pelgäs, et kurõpoja satasõ pesäst vällä. Lugõja meelest tulnu post sirgõs aia. Tä ollõv joba minevä aasta mitmõlõ paika kõlistanu, a api umalõ murrõlõ kostki saanu ei olõ.
Võro abivallavanõmb Juhansoo Juris ütel’ Umalõ Lehele, et uur keskkunnaammõtist perrä, midä tuu pesäga tetä tulõs, a et kurõ omma joba tagasi pesä pääl, sis jääs tuu arvada sügüse pääle, ku pesätegemise aig läbi om.
UL
Kurõpesä Parksepän kõvõra posti otsan. 31. urbõkuul kurg viil pesä pääle tulnu es olõ, a kats nädälit ildampa, 14. mahlakuul istõ joba pesä pääl. Rahmani Jani pildi
