Pääpreemiä sai konkursil Alla Helve tähti ja värme opmisõ mäng väikeisile latsilõ. Vildiperäkeisist ummõlduid tsillokõisi rõõmsit tegeläisi om terve tähistü jago. Vildieläjide pargiga and koton tetä pupitiatrit vai võtta näid appi jutussidõ kõnõlamisõ man. Latsilõ piäsi mitund muudu mängmisemoodu egäte meeleperi olõma.
Preemiä sai Viksi Heli tett mäng «Tamkaplats». Tuu om tamkamäng (kabe), midä saa mängi nöpsega. Mängolavvas om linanõ kruudulidsõ kiräga koet linakõnõ. Mängo om hää kokko pakki ja lihtsä üten võtta.
Preemiä sai ka Bahmatševi Tiina, kiä oll’ tennü ütenvõetava trips-traps-trulli-mängo. Mängoplats om suurõ rõiva pääle vällä ummõld ja mängopulkõs omma vanamoodulidsõ välläummõlusõga kirädü rõivadsõ tsõõri. Oja Vilve pildi
