Põlva maakunna kolmõn paigan – Kanepi seldsimajan, Põlva kultuuri- ja huvikeskusõn ja Räpinä luumismajan – saa kooni seo kuu lõpuni kaia Saksamaa Segebergi maakunna kunstnigõ töid.
Segeberg om jo ammust aost Põlva sõprusmaakund ja parhillanõ näütüs päälkiräga «Kunst on liikumine» om Segebergi maakunna kolmõ kunstnigu vastakülänkäük, selle et lehekuul käve Põlva maakunna kunstnigu Margna Epp, Prangli Anne, Kalde Kalli ja Grzinichi Evelyn umma kunsti Segebergin näütämän.
Nätä saa kolmõ kunstnigu, Saupe Elfi, Ewert-Omermiki Erika ja Weilkiensi Steffi loomingut. Ku kats edimäst omma päämidselt maalikunstnigu, sis Weilkiensi Steffi om puukujomeistre, kinkalõ miildüs puust maakaunitarõ vällä vuuli. Inämbüsel timä puukujjõst omma jalan kõlladsõ seerigu, miä om timä kunstnigumärk.
UL
Näütüsesain Kanepi seldsimajan. Rahmani Jani pilt
