Võro liinan Vabadusõ uulits 12/2 (Keskliina kooli hoovi pääl) om vallalõ tettü ideekoda, kon edimädse kõrra pääl omma platsi võtnu Vana-Võromaa käsitüülise.
MTÜ Vana-Võromaa Käsitüü vidäjä Oja Vilve kõnõlas vahtsõst käsitüükuast niimuudu: «Naa omma üte kavva oodõdu käsitüü tegemise ruumi. Mi tarvita om kolm ruumi. Om käsitüüpuut üten näütüsesainaga, kon mi egä kuu vahetami näütüisi. Sis om käsitüü tegemise tarõ, kon omma üte peele pistü pantu. Ja viil om seminäriruum, kon saa läbi viiä opitarri ja kuunolõkit. Käsitüütarõ nakkas vallalõ olõma tüüpäivilde kellä 10–15. Tast saa nõvvu egäsugumadsõ käsitüü kotsilõ, plaanin om kõrralda ka mitmõsugutsit opitarri. Vana-Võromaa käsitüü jõulumüük tulõ kah inne jõulu tan.»
Rahmani Jan
Minevä puulpäävä oll’ käsitüükuan päiv, kon Oja Vilve (pildi pääl) tutvust’ huviliidsilõ vahtsõt paika. Rahmani Jani pilt
