27.–28. rehekuu pääväl peeti Võro instituudi egäaastagast õdagumeresoomõ konvõrentsi.
Timahavva kõnõldi põlitsist ja rändäjist rahvist, olõjist ja tulõjist, läbikäümiisist ja mõotuisist. Inemiisi rändämist kaeti innekõkkõ põlisrahvidõ ja aoluu näütel. Kõnõldi mi geene ja keele peritolust.
Ettekandidõga asti konvõrendsil üles Saarikivi Janne, Tambetsi Kristiina, Pajusalu Karl, Valgu Heiki, Saarõ Evar, Sarvõ Mari, Kallio Kati, Kuzmini Denis, Kuuba Rainer, Lindströmi Liina, Plado Helen, Pilviku Maarja-Liisa, Todeski Triin, Kängsepä Annika, Jüvä Sullõv ja Uguri Kadri.
Konvõrendsi tõõsõl pääväl tetti bussiekskursioon: kõgõpäält sõidõti Lindora laadalõ ja säält edesi sõidõti Vahtsõliina kandi aoluuliidsi kotussit kaema.
Konvõrendsi ettekandõ võeti ka video pääle üles, huvilidsõ saava noid perrä kaia Võro instituudi Facebooki kanali päält.
UL
Konvõrendsilise Tambetsi Kristiina ettekannõt kullõman. Rahmani Jani pilt
