Oodõdu omma innekõkkõ Vana-Võromaa ettevõtja, kiä pakva paigapäälist süüki hää hinnaga. Kandidiiri võiva nii kombõperidse lämmä söögi pakja ja väiku kohvigu esitettüisi piinüide ruugõga ku ka kasvosöögi tegijä.
Pia poolõ pidoliidsist, nii lauljidõ ku ka kaejidõ-kullõjidõ siän, omma latsõ, tuuperäst ei müvvä söögiala pääl alkoholli. Lahja alkoholiga kaubõldas eräle ala pääl.
Uma Pido tugõ keskkunnahoitlikku mõttõviisi. Egä kauplõja piät tuu perrä, midä müügis pakk, kõrraldama ka jätüsside kokkokogomisõ. Söögi-joogipakjal piät olõma kõik ummis tegemiisis tarvilidsõ lua ja sertifikaadi.
Huvi kõrral pallõldas saata uma ettevõttõ ja pakutava kotsilõ lühkü tutvustusõ e-posti aadrõssi triin.toom@gmail.com pääle ildamba 19. urbõkuu pääväs.
UL
