Imäkeelepääväl kuulut’ Võro instituut vällä võrokiilse romaani võistlusõ. Võistlusõlõ oodõtas romaanõ, mink pikkus om vähämbält 200 000 tähemärki, ja lühkeisi romaanõ pikkusõga vähembält 100 000 tähemärki.
«Võro instituudil om hää miil, et edenes luulõ- ni latsiraamatidõ avaldaminõ, ka lühkit juttõ om ilmunu ja umakiilset tiatrit om hää kaia. A proosat võinu viil inämb olla: lugõja tahtva romaanõ kah lukõ. Viimäte ilmu võrokiilne romaan jo üle 20 aasta tagasi,» om kirän romaanivõistlusõ välläkuulutamisõ teedüssen.
Võistlusõlõ saadõdu käsikirä piät olõma vähembält katõ kolmandigu jaon võro keelen ja varrampa avaldamada. Aigu om romaani esitämisega kooni tulõva aasta imäkeelepääväni (14.03.2025). Parõmba romaani lupa Võro instituut raamatus trükki ja või-olla andas vällä ka tõisi avvohindu.
Ligembät teedüst saa kodolehe https://wi.ee/voro-instituut-kuulutas-valla-vorokiilse-romaani-voistluso/ päält.
UL
