Vahtsõnõ võro keele iistkõnõlõja om Põlva kooli oppaja Ermeli Merili, kiä päält eesti keele ja kirändüse oppas koolin viil võro kiilt ja kultuuri.
«Uhkõ värk, et võro keele oppajalõ kah hellü antas!» löüd tä uma vahtsõ avvoammõdi kotsilõ. Uma iistkõnõlõjaao joosul lupa Ermeli Merili inämb umast tüüst ja mõttist kõnõlda ja näüdädä tuud, kuis Põlva koolin latsõ võro keelega kokko putva.
Võro keele iistkõnõlõja om võrokõnõ vai võrokõisi sõbõr, kiä mõist võro kiilt ja om iinkujos avaligun võro keele pruukmisõn. Iistkõnõlõja ammõditunnismärgi omma ilmatugi (sau), kõnnõtoro (ruupor) ja kaalaraha.
Võro keele iistkõnõlõja tegemiisil saa silmä pääl hoita Näoraamadu (Facebook) lehe pääl «Võro keele iistkõnõlõja».
UL
