Timahava urbõkuu alostusõn nelän Eesti suurõn kontsõrdimajan ette kant Kalkuna Mari ja Eesti rahvusmiihikoori (RAM) kontsõrt jõud 1. piimäkuu pääväl ka Rõugõ kerikulõ. Kontsõrt om üts osa sündmüsest «Rõuge laulu- ja tantsupidu 100».
Kontsõrdin omma poimidu Kalkuna Mari laulu Tormisõ Veljo loominguga. «Suur rõõm om, et saami seo vägevä projekti Eesti rahvusmiihikooriga tuvva mu juuri mano Rõugõlõ. Pall’o luu ja laulu omma jo tansaman sündünü, seokandi oro ja mäe ja loomuligult kiil omma mitmõ luu sisse kirotõdu. Säänest kavva – ma laulman ligi viiekümne mehega Eesti tippkoorist – ei kuulõ peris egä päiv. Päälegi rikastasõ taad kõkkõ Tormisõ Veljo looming ja mu pilli, kannõl ja elektroonika,» tutvustas laulja ja laululuuja Kalkuna Mari esi taad kontsõrti.
UL
