Minevä puulpäävä peeti Harglõn tiiviirsen palukamõtsan kuvvõndat kõrda üülaatu. Tuu om nigu väiku festival: telken om valgus, kaup hindätett, jututelgi ja kontsõrdiprogramm.
Süvvä pakuti kodutsiist piirakist nika ku mõtsarestorani Ürg menüüni. Lava pääl käve kogukunnaansambli Sydamik, rahva pand’ üten liigutama ja laulma trubaduur Sten-Olle Moldau ja esiki latsiga perre es taha inne suurt pümmet kodutiid jalgu ala võtta – selle et üles astõ ansambli Öösorr.
Ku inne laadu algust sattõ Valga ja Võru puul, sõs laadu pääl es tulõ tsilkagi. Kõrraldijidõ iistkõnõlõja Möldri Jandra selet’ tuupääle nii: «Egä aastaga olõmi laadu lõpõtanu Harglõ kerikun kesküüjumalateenistüse – vigiiliaga. Kiä seo aasta kesküüse kerikulõ es jõvva, saa tuud vahtsõl aastagal tetä.»
Laube Kadri
Laube Kadri pilt
