Tõõsõpäävä, 4. märdikuul käve Puiga koolin võro keele nädäli puhul külän Konnula Margus (Contra).
Jutus oll’ 500 aastakka mi umma trüküsõnna, märgotõdi, kas võro kiil mahus eesti raamatulõ. Contra alost’ umma juttu raamatidõ aoluust ja lõpõt’ esihindä luulõtuisi ettelugõmisõga. Nuu luulõtusõ miildü väega kullõjilõ ja noidõ pääle pesti kõvastõ kässi kokko. Koolilatsõ tei kirämehega pilti ja võti alakirotuisi. Tuu päiv jagi koolirahvalõ tervüisi ka Võro instituudi direktri Padari Ivari ja kohalõ oll’ tulnu ERRi aokiränik Mõttusõ Mirjam, kiä ettevõtmist uudissõlõigu jaos üles võtsõ.
Ettevõtmist tugi Eesti Kultuurkapital, Võro vallavalitsus, Võro valla raamadukogo ja Puiga põhikuul. Päiv and’ kimmä tiidmise, et võro keelen om väke.
Raua Madli-Greete
Raua Madli-Greete pilt
