Neläpäävä, 5. radokuul kell 18 tulõ Võro instituudi saalin (Tarto uulits 48, Võro liin) võro keele õdak, kohe oodõtas kõiki, kiä tahtva har’ota võro keelen kõnõlõmist ja uma keele pääl püsümist.
Õdagulõ oodõtas egän iän inemiisi. Nii noid, kiä mõistva võro kiilt, ku noid, kiä ei mõista. Kuun plaanitas istu kooni kats tunni, aia mõnusahe juttu, serbädä lämmind juuki, mängi mõnt mängo ja kaia, midä viil saa tetä. Päämine, et noidõ tegemiisi man püsütäs uma keele pääl.
Säändside õdagidõ mõtõ käüti vällä perämäidsil «Vunki mano!» mõttõtalgil. Õdagut kõrraldasõ Jüvä Sullõv, Mustmaa Ulvi, Rõõmusoksa Triin, Toomõ Triin jt Võro instituudi ja Võro HUUBi abiga. Edespite plaanitas kokko käümä naada kõrra kuun.
UL
