Kaonu kevväi
Ma kuuli raadiost, et timahava talv ei lääki minemä, selle et Putin om käsknü 9. maid edesi tougada. Kevväi tohe ei inne tulla, ku paraadil saa suurt võitu tähistä. Nika ku võit kätte saamalda, om ilma lämmäs minek är keelet.
Tuu Vinne propaganda om nii kimmäs, et nigu tä musta valgõs mõist kõnõlda, kõnõlõs ka ilma talvitsõs tagasi.
A ütskõrd piät iks lämmi kah peräle jõudma. Ja võidu või Kreml kõgõ vällä hõigada, esiasi kas miihi marssma kah viil jakkus. Papist rakette või iks näüdädä, a papist sõdurit rivisammu tegemä ei panõ.
