Piimäkuu alost’
Ma kuuli raadiost, et pall’odõ inemiisi tervüs om pia är pästetü. Söögikraam om lännü kallis ja lätt viil kallimbas. A tuu tähendäs, et naatas veidemb ostma ja veidemb süümä.
Ku üts viiendik mi siäst omma rasva lännü, sõs noidõ jaos om hindu üles minek päsemine. Ku hindäl niipall’o mutsu olõ-i, et veidemb süvvä, sõs elo pand piiri paika. A noilõ, kellel parhillaki rahha veidü om, tulõ iks riigil pääle massa.
Riik omgi tiidä andnu, et piimäkuul nakkas pääle Järvamaa maitsidõ aasta, näil omma sääl piimäjõõ ja pudromäe. Piimä piässi jakkuma seo aasta kõikilõ inemiisile.
Mu vanamiis pelgäs õnnõ, et ku piimäkuuh piät viil külmä peräst lunt pääh olõma, sõs kuulõ-i, ku kiäki piimä pakk.
