Demokraatia pidopäiv
Ma kuuli raadiost, et kuu ao peräst tulõ demokraatia pidopäiv. Sõs om kõikil vaia valli, kas valli vai mitte valli. Tuud iks üteldäs, et ku valima lää-i, sõs olõt lasknu tõisil hindä iist valli. Ja võit õnnõ arvada, kedä nuu tõõsõ valisõ.
Periselt olõ-i asi nii lihtsä. Mu meelest piässi valimiisi kõrda praavitama. Ku ma vali külh uma meele perrä eräkunna vällä, sõs nä tegevä peräh valitsusliidu jummal tiid määndse eräkunnaga, kink plaani mullõ sukugi ei miildü. Puutri kunstmõistus võissi inne valimiisi egasugumadsõ variandsi vällä pakku, et sõs mi saasi valli jo valmis valitsusõ. Poliitikil kah kergemb, piä-i pikki läbikõnõlõmiisi tegemä. Ja mi tiiämi, kedä uma helü andmisõga saami.
