Kaalumi ja märgimi
Ma kuuli raadiost, et kõik Eestimaa om kaalukodasid täüs saanu. Tii sa vallalõ raadio vai telekas, egäl puul kõnõlõsõ tähtsä mehe tõsitsõlõ, et mi kaalumi tuud ja taad. Ütskõik määndse eräkunna poliitigu kõnõlõsõ, sõs õkva ja kimmähe julgõ-i kiäki midägi lupa. Tuu asõmõl üteldäs, et seod ettepandmist piät õkva märkmä vai tulõ mõtõlda ja märgütä ni viimätses piät perrä mõtlõma.
Nuu tsõõrigu lubahusõ omma tuust hää, et perän saa-i kiäki poliitikulõ külge naada, et tä es täüdä lubahuisi. Kõgõ saa üteldä, et mi märgüti külh as’a üle. Vet valija piät kah nüüd märkmä, inne ku üte numbrõ paprõ pääle kirotas.
