Ull’usõ mass
Ma kuuli raadiost, et liiklusavariih sai vika toukõratta ütehsõitja. Tuu sõiduriist om nii väiku. Kuimuudu sinnä viil mito inemist pääle mahus? A ku säändsit õnnõtuisi om kõrrast inämb, sõs olõs vaia toukõratas kah massu ala panda. Ku tahat ull’uisi tetä, sõs massat.
Automassu suurust piässi kah kaema mitte massinidõ, a inemiisi perrä. Kiä om rohkõmb ku üte kõrra kipõstõ sõitmisõ vai võlssi parkmisõ iist trahvi saanu, piässi suurõmbat automassu masma. Nigunii tüküse iks nuu korgõ ja kalli massina juhi sõitma kipõmbidõ, ku om lubatu. Latsiga perre ja pensionääri sõitva mõistlikult ni om mass ka väikumb. Sõs olõski kõik õigõ.
