Tsiga ja kägo
Ma kuuli raadiost, et inemisel ja tsial olõki ei väega suurt vaiht. Vällänägemine om suurõmbalt jaolt tõnõ, a seest omma pia üttemuudu. Tohe ei üteldä, et nigu tsiga ja kägo. Hiinamaal panni tohtri edimäst kõrda inemisele tsia massa. Ja Ameerikah ummõldi inemisele tsia neeru. Mõni aasta tagasi elli tsia süäme saanu inemine paar kuud. Kõgõ kavvõmb om tsia neeruga elänü üle katõ aasta üts pärdik.
Tuu jaos, et tsia riist inemisele sünnüssi, piät tuud inne muutma. A või-olla saassi inemiisi tohtõrdamisõ jaos sündüvä jupstükü laskõ kunstmudsol tetä ja vällä printi. Sõs olõs tuust tehisvärgist inämb kassu ku parhilla inemiisi är pettä.
Ja plastist süä sünnüs vast ka noilõ, kiä lihha ei süü. Kuimuudu sa muido käüt tsianeeruga ümbre ku kasvosüüjä olõt.
