Sääne-määne suvi
Ma kuuli raadiost, et külmä ja likõ keväjä peräst om seo suvi nätä väega veidü lipkit. Võissi jo arvada, et üte mutuga kõik, a kiholaisilõ omma säändse ilma miilt pite. Nüüd saiva takkaperrä munast vällä tulla kõik kiholasõ, kiä viimätside põvvatsidõ keväjidega elolõ es päse.
Sõs om parõmbki, ku ilma jahhe püsüse, kiholasõ lasõ-i nigunii pall’alt ümbre liiku. Ja ku mõtsa siinde tahat minnä, om pääle paksõ pükse viil võrguga kübärät vaia. Nigu seene mano kükütät, om mustjanõ parv pää ümbre. A siini om niisama pall’o ku kiholaisi.
Seo suvi sõs niimuudu. Om määne om.
