Võromaa Kütioro tunnõtus maalnu Ohaka Valduri 100. sünnüaastapääväle pühendedüt maalinäütüst «Nigu luudus lupa» Võromaa muusõumin saa ütel vahtsõaastakuu, radokuu ja urbõkuu pääväl kaia üten kuraatri Pählapuu Liisiga.
22. vahtsõaastakuul, 19. radokuul ja naisipääväl, 8. urbõkuul kell 17 kõnõlõs Ohaka Valduri luumistüü välläpanõgi kokko säädnü Pählapuu Liis Võromaa muusõumin kunstnigu elost ja märgiliidsist töiest, miä omma jõudnu ka näütüsele. 19. radokuul om Tal’na ja Tarto kunstisõbrul kah võimalus kunstibussiga Võrolõ Ohaka-tuurilõ tulla.
Pääle tuu saa 29. vahtsõaastakuul kell 17 kaia Ohaka Valduri pilte üten välläpanõgi kujondaja Lauritsa Piitrega, kiä om ku kunstnik ja luuja saanu uma ristjädsi õkva Kütioron Ohaka Valduri käe all.
UL
