Võro pensionääre pääväkeskusõ aolehe lugõmisõ tarõn om pistü säetü esieräline jõulupuu. Tollõ om käsitüütegijä Riitsaarõ Lainõ kokko käändnü niidi otsa aetuisist kompvegipaprist. «Tan om 21 meetrit hussi, tuujaos om 21 aastat näputüüd tettü. Nüüd om tä saanu hindäle tähtsä jõulupuuammõdi, muidu olõs tä olnu õnnõ unikun kommipaprõhuss.»
Kokko om Lainõl 35 aasta joosul niidi otsa aet ligi 35 miitret kompvegipaprit.
Jõulupuu sai tarrõ üles jõuluaos, a sis panti pääväkeskusõ ussõ koroona peräst kinni. Vahtsõst aastast om keskus tassakõistõ vallalõ, nii saava pensionääri taad esierälist jõulupuud ja viil muud Lainõ käsitüüd keskusõn nätä kooni vahtsõaastakuu lõpuni.
Rahmani Jan
Rahmani Jani pilt
