Vällä om tulnu raamat päälkiräga «Käokiräs», kohe om kokko kor’at hulga Põlva kihlkunna rahvaperimüst.
Raamadu abiga saava latsõ ja latsõvanõmba tutvas Põlva kihlkunnast kirja pantuisi hüpitüisi, mängukõisi, laulõ, soovisalmõ, tsirguhelü perrätegemiisi, juttõ, mängõ, vanasõnno, mõistatuisi ja vanarahva tarkusõterriga. Laulu omma raamatun ka noodikirja pantu.
Kogomik om saanu päälkirä Põlva kandi folklooriansamblil Käokirjas perrä, kon raamadu kokkosäädjä Tigasõ Merike om 30 aastakka laulnu ja pilli mängnü. Raamat om pühendet Podekrati Ülle mälehtüsele, kiä oll’ ansambli kokkokutsja ja pikäaolinõ iistvidäjä.
Kogomigu esitlüskontsõrt plaanitas pitä seo kuu lõpupoolõ Põlva kultuurikeskusõn.
UL
