Kõnõlõmi latsiga
Ma kuuli raadiost, et pall’o kododsõ latsõ mõista-i inämb kõnõlda umma imäkiilt. Tuuperäst, et imä ja esä ei kõnõlõ ei umavaihõl, ei latsiga. Umavaihõl latsõvanõmba kirotasõ nutividinäga.
A latsõ mõista-i lukõ ega kirota. Nä kaesõ ja kullõsõ umast nutividinäst noid puulinglüskiilsit juppõ, midä omma tennü kah säändse noorõ, kiä mõista-i õigõhe üttegi kiilt.
Ku meil Võromaal haetas vanõmbit ja vanavanõmbit, et nä piässi latsiga inämb võro kiilt kõnõlõma, sõs parhilla tulõ hakõ, et nä ülepää latsiga kõnõlõsi. Pia nakkasõ kuul ja latsiaid tüüle, sõs saava kõik rohkõmb kõnõlda.
