Minevä puulpäävä oll’ Setomaal Rõsna külän Seto kuningriik. Seo oll’ joba 30. kõrd, ku üle ilma seto ja setodõ sõbra kokko tulli.
Seto kuningriigin valitas vällä Seto kuninga meistri ja setodõ parõmba as’atundja. A päävä kõgõ tähtsämb osa om vahtsõ ülembsootska, Seto kuninga Peko maapäälidse asõmigu valiminõ. Timahava valiti setodõ ülembsootskas Leima Evelin.
Päält setodõ omma kuningriigi pääväst jo aastit ossa võtnu setodõ sõbra ja naabri, noidõ hulgan Vana-Võromaa rahvas uma saatkunnaga.
UL
Seto kuningriigi vahtsõnõ
ülembsootska Leima Evelin.
Pilt Setomaa ülembsootska
FB lehe päält
Võro instituudi direktri Kuuba Rainer ja dalai-laama eriesindäjä Frasi Sonami üten Strideri Roy Tiibeti mastifi tõugu pini Nyimaga Vana-Võromaa saatkunna man. Strideri Roy pilt
