Seokõrd oll’ mihklipäiv väega suvinõ. Süüdläses om muidoki kägo, kiä suvõl kavva kuukõ.
Peimi plaani, et piämi mihklipäivä vana kallendri perrä, 14. rehekuu pääväl, sis om joba kimmähe süküs kah käen.
Meil Paidran Oinamäe otsan om suvõ ärsaatminõ nigu moodos saanu. Tahami kaia, miä esierälist kiäki nunnunäütüsele tuu. Luudus tege kah uutmist ummi viguridõga põnõvambas. Sjoo aasta tuudi suur verrev piit. Oll’ tõnõ nigu poiskõnõ, õnnõ hambit es olõ suun. Pannimi maisiterä hambis, iks nigu inemine. Rian laiuti hinnäst ka kooniliidsi päiega verevä kapsta. Laine pruuvsõ, kes kõgõ täpsembäle timä kabatsoki kaalu är arvas. Tull’ vällä, et õigõ nummõr – 8,5 killo – oll’ kõigi pakutuisi numbridõ täpne keskmäne. Kairil oll’ potin kinä valgõ salvei.
Es lääki pall’o aigu, ku vihm oll’ platsin. Tuulõkuan saimi mõnusalõ edesi olla. Hüväste, suvi!
Orassoni Rael-Adiina
Orassoni Elmeti pilt
