Võtami suvvõ hilläkeisi
Ma kuuli raadiost, et inämbüs eräkundõ tegeles pääle valimiisi hindä sisse kaemisõga. Tuu om väega hää. Ütelt puult saami arvu, et nigu olõ-i olõmah üttegi läbini hääd inemist, olõ-i olõmah üttegi ideaalsõt eräkunda.
Tõõsõst külest om meil kõikil vaia vaihõpääl huug maaha võtta ja hindä sisse kaia. Et arvu saia, kas tuu rabõlõminõ, mis pääväst päivä käü, vii meid iks sinnäpoolõ edesi, kohe mi tahami.
Suur suvi oll’ vast lehekuuh är, a veidü jahhemba ilmaga omgi parõmb ümbretsõõri kaia ja nätä, mis ilmah periselt sünnüs. Üte vai paar suvõtiatritükkü võit kah är kaia, a inämb ei massa. Ku lõbust saa kohustus, olõ-i tuu inämb puhkus. Hindä jaos piät kah aigu jäämä. Eräle hää om mol’ota telekast jalgpalli kaemisõ aigu. Ku iks mehe juuskva, a pall värehtihe ei lää, sõs omgi paras aig silm kinni laskõ.
Rahulist suvvõ meile!
