Minevä puulpäävä tulli Parksepä latsiaida kokko kümme keelepesä- ja muusigaoppajat esi Vana-Võromaa latsiaidust, et luvva ütenkuun vahtsit võrokeelitsit latsilaulõ. Säändsit laulu luumisõ päivi om varrampa kah peet, perämäne kõrd viil timahava radokuun.
Latsiaiaoppajidõ härgütämises ja julgustamisõs olli koolituspääväle kutsutu juhendaja. Muusiga poolõ päält and’ julgustust viiemeistri Normani Triin ja sõnno avit’ säädi kirämiis Rahmani Jan. Koolituspäävä lõpus kanti vahtsõ laulu ette.
Seokõrd kõnõli laulu pidolõ minekist, spordist ja rõõmsa lats olõmisõst. Lisas noilõ sündü laulupääväl lihtsä jõuluao uutmisõ lugu «Küündlevalgus», miä passis laulda nii väikuilõ ku suurilõ.
UL
Vahtsõt jõululuku kannõtas ütenkuun ette. Pilt Kaskla Ane videost
Küündlevalgus
Küündlevalgus,
valgõ jõuluao algus.
Süämen soovi,
et seo jõuluao algus
rõõmustas meid.
Kae ja kullõ vahtsõt laulu: https://www.facebook.com/VoroInstituut/videos/927665602672582
